Woche 18: 3x Kerber für Malawi

"Her mit da Safarifotos..."

Nilpferdle

Bild 1: Meischtens siat ma ned me vo deana großa Tiere. In Familia gruppiert hängen se da ganze Tag im Wasser ab und kümmern se wenig um dia bösa Krokodile dia am Flußrand mit Argusaugen uf alles schtierend was se bewegt und an Herzschlag hot.

Bild 2: Recht friedlich ausschauend hond se doch ghörige Hauer deana sealta aber doch andere Flussbwewohner zum Opfer fallen. Dia meischte Zit würt aber nur lauthals ummanandgrülpst, dass as über da ganze Fluss hallt.

Bild 3: Während dia Alta zum Züg schauend hond dia Junga a klä Zit zum hüsla. Denn gots im Fluß zua wia im Himmel vorduß. Alls was sus no i da Nöhe ummanand schwimmt flüchtet Hals über Kopf.

Bild 4: Am Obad kond se us am Wasser ussa und freassand s Gräs am Boda. Des taugt widr deana wißa Vögel, well se so einfacher zu eana sinam Zobat, Kleintiere mit Beilagen, kond. Etz siat ma erscht was des für riesen Klachl sind.
Imposant aber trotzdem ned vergleichbar mit da black rhinos (Nashörner), vo deana mir leider koas gseaha hond.

Woche 18: 3x Kerber für Malawi

"Her mit da Safarifotos..."

Vögel, Warane und andara Züg

So, etz kond se.
Noch eura Quengelei han is endlich gschafft d Safarifotos zum ordna und hera zum richta. Ums klä schpannend zum maha fangand mir mit am "weniger" interessanta Züg a!

Hehe ;-)

Bild 1: An reacht wilda Vogel zum Einstieg, frogand me ned wia er hoaßt, i ha mir be witam ned alle Näma gmikrt dia üs do da guide gnennt heat. Wer mir mit Näma und so witrhealfa ka, bitte mealda, denn schrib i se natürlich ine.

Bild 2: Da Schef vo da Lüft: An großa sea eagle (Seeadler). Schö anzumschoa wia er 10m über üs durch d Luft gleitet. Anscheinend isch dia Surta do o heimisch.Bild 3: An schöna water buck (Wasserbock). Vo deana isch a reiches Sortiment do. Dia Surta isch aber ned a so a Herdatier.
Bild 4: An monitor lizard (Waraneidechse) isch do a nam trockana Plätzle am Fluß gleaga. Mit gschätzta 2m länge scho a körigs Bröckle.Bild 5: A wart hog (Warzenschwein) Familie: Amol groß schaua, denn s Fracksausen kriga und wia Autodromäutele Schwanz uffe und abzüha.
Bild 6: An Hufa Fotos hond mir vo deana Impala (Schwarzversenantilope) gmacht. In schücha Herda hüpfand dia graziös durch d Savannalandschaft. A da schwarza Versa stoßen si an Duftschtoff us, wenn se d Füaß ananand riband. Bedeuta tuat der Duftschtoff: Gefahr und Flucht hinter da dritte Bom vo links und döt verschtecka.

Woche 18: 3x Kerber für Malawi

"Bsüachle uf da Mfuu lodge"

Safari im Liwonde National Park

Bild 1: In Liwonde sind mir denn, noch am Looping und viel id Karta luaga, doch richtig abboga, nämlich in Richtung "Shyre River". Döt isch dia Anlegestelle vo da Mvuu lodge. Mir sind ad Bar ganga, well mir no ufs Bötle warta hond müssa. Koa Pier!!!! Do sind überwiegend Moslems und daher koan Alkohol. Im spötara "Uf und Ab" vom Schneallbot waren mir denn froh, dass as koas gia hot. ;)

Bild 2: Nur kurz a paar Bilder vo da Mvuu Lodge seal, dia war jo o echt lässig.
Übrigens: Mvuu = chichewa für Hippo und vo deana gits würke an Hufa do
Links: Unter großa Baobab Böm stoht des Hauptgebäude mit Saloon, Bar und Kuche.
Mitte: Üser "tent". 2 Schlofzimmer mit Bluma uf am Bett. A grob gmurates Bad mit Bachschtöa, lässig heragrichtet mit offana Dusche. Vor am Hus schpringen Affafamilia umma und i da Böm singen scharenweise Vögel um die Wette.
Reachts: D Hüsle liggand direkt am Wasser. Nur a klenns Mürle trennt oam vor rülpsanda Rhinos, Schildkrotapanzer zerbreachanda Krokodil und sus am Hufa gföhrlichem Exotischa.

Bild 3: Nomol s Hauptgebäude vo inna. S Foto isch vom Saloon us in Richtung Bar gschossa. Links isch d Rezeption. Wennd de ane sitscht zum Eassa stoht hinter dir da Ober und schiabt dir da Stuahl zuahe. Dafür klauen dr freache Vögl s Frühschtück vom Teller, während du am Buffet am Nochschlag hola bisch.

Woche 18: 3x Kerber für Malawi

"Major Tom in Malawi..."

Bild 1-5: Ma kummt se, wenn ma durch dia Wealt do fahrt, a klä vor wia imma Raumschiff uf da Reise durch dia Magellanische Wolke. Bilder zühand a oam vorbei dass oam höra und seaha vergot. Ma kleabt a da Schiba vom Auto wia a klenns Kind a dera vom Aquarium...

Major Tom to ground control:
"Mir söttand eigentlich scho do si,...
wo müssand mir etzgo do nomol abbüga?"

Woche 18: 3x Kerber für Malawi

"Zruck in Lilongwe..."

Bild 1: 2 ruhigere Tägle hond mir denn "dahoam" iglet. Zu dera Gelegenheit amol a Foto vom Hus. Irgendwia isch der Imperialstil a klä bliba. Ma mirkt einfach, dass des Land vor no gar ned allzu langa Zit (bis 1964) a engleische Kolonie war. Viele Mura sind us deana typisch englischa rota Backschtöa gmacht.

Bild 2: Am Obad vor da Fahrt, mir hond üs entschida mit am Leihauto Richtung Süden zum fahra, hond da Kri und i no zemma kocht, da Mike hot no a klä zum schaffa ka.
Bild 3: Der klenne Toyota hot üs quer durch Malawi gfahra ohne an Muxer zum maha, do hots scho a Foto verdiant. Am Mittwoch 7. Jan 09 sind mir denn am morga früah, bewaffnet mit drei Wurschbrötle, ufbrocha. Da Chrischtian und i hond no ned gwisst wia schön dia Landschaft do ischt.