Woche 36: Im Süden gots zua!

Nigerdelta

Kaum 200km vo do entfernt lehnen sich d Einheimischa gegad d "Ölfreunde" uf.
Taz schribt dazua:
http://www.taz.de/1/politik/afrika/artikel/1/hunderte-tote-in-nigerias-oelrevier/
Do in Enugu schpricht ma davo nur hinter vorghaltana Hand.
D Nochrichta sägand gär nüt dazua. Woaß o ned wia viel i do schriba derf.
Nojo se würand d Sita scho ned schperra.
Ma hot do klä Angscht, dass d Erinnerunga an Biafra Kriag widr wach würand.
D Stimmunga schwappand o do in Enugu scho hin und her.
http://de.wikipedia.org/wiki/Biafra-Krieg
http://de.wikipedia.org/wiki/Movement_for_the_Emancipation_of_the_Niger_Delta

Woche 28: What i did the last weeks...

"... oder um min Geburtstag umme!"

Bild 1: A paar Täg vor minam Geburtstag hond mir a Bsüachle bem Solomon dahoam gmacht. Uf am Weag han i des Foto gschossa. Was wohl da Rrrobert Pauerrr säga tät? ;-) ...Bild 2: Jo des isch des Hus i deam da Solomon ufgwachsa ischt. Während da Papa vor am Hus sis klenne Gschäft gführt hot, hot sine Frau für üs kocht. Sauber guata Gemüsereis, für mi an riesen Teller voll und für eana sine Söhn zwoa riesen Teller voll. Dia künnand eassa, des han i no gär nia gseaha. Memphi, Knappi und i im Lager waren dagegs gad "kulinarische Leichtgewichte".

Bild 3: Uf am Hoamweag sind mir denn no im Newberrys Park vorbei. Do trifft se d high society. Es git sogär a Bühne mit "richtiga" Boxa, Suja am laufenden Band und s Bier ischt doppelt so tür wia sus. Oa weiteres lauschiges Plätzchen.Bild 4: Als Geburtstagsessen hots Lasagne gia. Irgendwia han i mir us ganz Enugu dia Ingredients zemmagschuaschtert. S Produkt war echt ned schlecht, as isch mol nix überig bliba. Hehe.

Tischgäste von links:
Julia und Solomon
Chinenye
Dualle: Stellvertretend für an Igwe do gsi, der am schaffa war. Was er gnau tuat woaß i ned, aber er lachat amol immer.
Francis
Chinenye: Desmol dia andre us am white house. Liiert mit am Bartholomew, a allgemein bekanntes Geheimnis... :)
Ebere: Chinenyes Schwö. Se isch verhürotat mit am Walter, kamota Nigerianer der sit 10 Johr in da Schwiz schaffat. Damit kört se in da thinkers corner zu da wichtigara Lüt.
Euerika: Nachbarskind und an süaßa Knopf dazua ane. I 10 Johr vertreit dia da Kerle da Kopf, des isch sicher.
Steven: Jüngschta white house WG Bewohner, vo deam i scho me verzellt ha. Im Moment tuat er ned ganz so wia er sött, aber i sinam Alter isch des glob normal (12!!!)
Doze: Da bescht Kolleg vom Steven und großa Brüader vo da Euerika. Redat ned so guat Englisch, isst dafür umso me. :)
I

Bild 5: Voller Stolz präsentier i hiermit dia brandneue Kollektion

" Raining season 2009 "

Dean heißa Fetzen han i vo da white house Kerle gschenkt krigt zum Geburtstag. Sehr angenehm zum träga (Hot überall Löchermuschter was den Tragekomfort noch um über 50% erhöht!) In Nigeria kört dia Art vo Kleidung absolut zu da nobla Gardarobe und schtoht eppa uf am glicha Niveau wia an Anzug mit Krawatt be üs.

Woche 27: What i did the last weeks...

"... oder einfach Menscha dia i kenn!"

Bild 1: Am Oschtersunntig noch na über 3schtündiga Meass hond mir des Foto gschossa.
VIP's von links:
Joel: Schaffat fürs Institut und isch so klä s Mädchen für alles. Er hot da Titel IGWE, hoaßt soviel wia König. Inara Wahl ischt er zum Igwe vom Institut gwählt wora. Viel bringa tuats ned, ussr me arbat.... set er amol! :)
Julia: Onye Ocha us Linz. Des ischt Freundin vom Solomon dia ean i da Oschterferien bsuacha ko isch. Se hot vor nam Johr o do in Enugu gschaffat, bem Solomon in da primary school.
Solomon: Jo vo eam han i eh scho einiges verzellt. Voll kamota Kerle. Mit eam verbring i eigentlich dia meischte Zit do hunna. Im Summer kut er uf Öschterrich für a paar Woche... wenn alls guat got.
Chinenye: Oane vo beidna Chinenye's vom white house. Unterrichtet im Institut und i da sec. school und - was viel wichtiger ischt - kocht gelegentlich für mi.... wia ses für a braves Mädchen ghört! :)
Isch de meine: Bin echt bru wora do hunna, aba im Gegasatz zu da Lüt do schau i immer no us wia an Schmelzkäse und so fühl i mi o gelegentlich wenn i i da brüatiga Sunna schtand.

Bild 2: Jo do waren mir uf am Weag zu Bartholomew's Fäschtle in Emene.
Passagiere von links:
Solomon: Eh klar!
Juliet: A guate Kollegin vom Bartholomew. Ganz a ruhige, nichtsdestoweniger echt a Liabe. Im Dezember isch se be nam Überfall agschossa wora. D Kugel hot d Wirbelsüla gschtreift und sit do got se am Schtock. D Lüt rüafand se do hia und do einfach Krüpel, für Menscha dia ned schaffa künnand hot ma do hunna ned viel übrig. Ob se was dafür künnand, oder ned ischt eana vollkommen wurscht.
Julia: Han i o scho vorgschtellt.
Francis (Faruch): Schaffat mit am Bartholomew zemma uf da Farm. Eana kört o dia Wohnung, wo mir gad ane fahrend.

Bild 3: Bartholomew's Schtroß im gutbürgerlichen Viertel vo Enugu. Wer se a Wohnung i so nam Hus leischta ka isch koan arma Schlucker. D Schtroßa sind o sauberer und ufgrummter als sus. Bild 4: Party in Bartholomew's Wohnung. Oans vo deana ganz weniga Feschtle wo ned am 10e znacht - noch am Eassa - s Liacht usgschalta würt und alle hoam gond. Bis am Zwoa hot ma gfäschtet!!! Ausnahme pur!! Dia meischte Zit war d Julia s einzige Mädchen. D Freundinna wo kocht hond sind noch am kocha hoam ganga, zum fäschta hond se koa Erlaubnis krigt.

Woche 30: Rund um min Geburtstag

I glob min ruhigschta Geburtstag sit.... hmmm
uf jeda Fall me als 20 Johr!

Bild 1: Zwoa Täg vor minam Geburtstag sind mir im newberrys park gsi. Do trifft se d high society.

Woche 24: Bsüachle in da Farm

"Zeassat..."

Bild 1: Jo, da ma o Wasser brucht i da Kuche muss ma o Brunna maha. Uf deam Bild an frischa Brunnaschacht vo da Farm. Am Boda da arme Kerle der am graba ischt. Mit Kübel würt dia Erde us deam mittlerweile 7m tüfa Schacht ussatransportiert.
Übliche Arbeitsmoral: Während der do dunna im Dunkla am Buggla isch hond drei andere Arbeiter hoba am gmüatlicha Verzahl übers Weatr.Bild 2: Was mir be üs o gern eassand sind Cashew Nüss. Uf am Bild a so a Frucht. D Nuss hängt unta dra. D Lüt eassand do o gern dia Frucht seal dia leicht bitter schmeckt aber sehr nahrhaft ischt und viel Wasser in sich hot, an ideala Zmitag für dia Cashewpfücker.
Bild 3: Überall do im Dschungel rennand "große" (amol über an halba Meter lange) Warane umma. Jäger fangen dia denn und schlachtand se. D Köchina vo da Farm machand denn a scharfe "Kleinwildsuppa" drus.
Bild 4: Hmmm!! Da erschte Biss war zwor a klä komisch, aber danoch hots ned schelacht gschmeckt,.... irgendwia noch Hennele! :) Dazua würt Abacha, a Art scharfa Salot us Cassava gereicht. Bem Eassa redet ma oft über Politik und do widerum dia meischte Zit über da neue Governor Sullivan, der d Stroßa in Enugu uf Vordermann bringt.

Woche 24: Bsüachle in da Farm

"Palmoilproduktion"

Bild 1: Be nam Bsuach in da Farm hot ma üs oane vo da Haupteinnahmequellen vo da Farm erklärt: Palmölprdouktion!
Direkt vo da Palma würand dia Trauben vo Palmknoschpa abagschnitta.
Bild 2: In Handarbeit würand se denn us da Traube ussaglöst. Des isch a reacht a stachelige Angelegenheit und brucht viel Zit.

Bild 3: Uf deam Bild siat ma da Motor der dia Presse atribt. Vor am Pressa würt des Züg erscht zerschtampft und kocht. Was nocham pressa ussakut ischt feinschtes nigerianisches Palmoil. Hot a leicht rötliche Farb und schmeckt reacht guat. An Großtoal vo da Gerichte do würt mit deam Öl hergschtellt.

Woche 23: Grüße aus Schilda

"Was ma ned alles uf anna Wand schriba ka..."

Bild 1: Wia scho verzellt mond d Lüt uf eana sine Mura schriba dass des Gebäude ned verkoft würa ka. A schöne Ausgabe uf deam Bild. Der Gebäudekomplex stoht ned unweit vom Institut und schaut ned so us als tät do irgendjemand uf dia Idee ko zum dean zum miata oder kofa.Bild 2: O a beliebte Ufschrift uf diversa Wänd. D Kerle und d Moatla o pinkeln überall ane (Beide im Schto, wobei i ned woaß wia des d Moatla mahand)?! ;). Öffentliche Toiletta gits einfach ned, aber es isch immer an Busch oder a netts Mürle umma wo ma a paar Kreisle züha ka. Bsunders in da Trockazit hot des zum Toal aber scho für dia olfaktorische Wahrnehmung fatale Folgen. Fascht us heiterem Himmel streift di gelegentlich a Brise us 1001 Autobahntoiletten...

Woche 22: Mol was vo minara Arbat

"Endlich widr mol Internet..."

Etz han i scho an ganze Wile nüt me in Blog schriba künna. D Internetverbindung war zum toal tägwis weack, und wenn se denn mol do war hots grad glangat zum mails checken.

Bild 1: Jo i möcht euch desmol a klä was vo mina Arbat schriba. Uf deam Bild seahand ihr mi mit minam Bömle des i vor a paar Wocha in klenna Park vom Institut pflanzt han. Alle onye ochas dia aha ko sind go schaffa hond se mit nara Pflanza i deam Garta "fastverewigt".

Bild 2: Hjo und des bin i in ACTION. Wo i s erscht mol da Beamer agschteckt han warend d Studenta ganz verschrocka. Se hond denn gfrogt ob i do scho inegrifa tür, des sei doch radioaktiv und mit Röntgenstrahlen.
Uf jeda Fall hot ses ummagschprocha dass i so Zauberstückle i minam Unterricht vorführ und dass o sus des was i so verzell Hand und Fuaß hot. Und so hond se immer me Lüt i mis Kursangebot igschriba. Us anfänglich 20 geplanta Stundenta sind mitlerweile über 100 wora. *Brust herausgestreckt und selbstgerechte Mine wie Captain Cirk in den alten Star Trek Filmen* :)

Bild 3: Des isch a Foto us oana vo mina erschta Kursstunda. I han a paar Promo Fotos brucht für mine Berichte und wia sis für Promofotos ghört lachand alle liab us am Bildle ussa. Leider sind d Studenta oft ned so aufmerksam. Viele krigand viel z wenig Schlof, well se Mitternachtsgebete maha müssand, i da Nöhe vo da Mitternachtsgebetsversammlungsorte schlofand oder gär an Schlofplatz i da WC-Anlaga hond.
(D Hostels sind zum Teil komplett überfüllt und sowas nennt ma denn Optimierung der effektiven Schlaffläche!! Aber i han ghört s WC sei gar ned so schleacht zum schofa: Wenig Lüt i nam Raum und zumindescht küahle Luft sind sus eher Mangelware.)

Bild 4: Oane vo mina Ufgaba war des Computerlabor in Schuss zum bringa. Des Bild isch a Ufnahm us November. Mehrere interessante Sacha zum seaha:
1: Des alte Fip shut of da Sita war dia oanzige Tafel im Raum.
2: D Ventilatora sind hia. Des Klassazimemr isch direkt unter Wellblechdach und somit sau hoaß.
3: O s Liacht tuat ned. D Verkabelung allgemein oa oanzigs Chaos.
4: Ma siats ned so guat aber Tisch und Stüahl sind inam reacht desolata Zuaschtand. Zudem tummeln se unter da Tisch unzählige Relikte us da Zit vor da Computerrevolution, 286er, Monochrimbildschirme, Comodore Konsola (Tastatur mit Diskettenlaufwerk), Nadeldrucker und Desktopcomputer us da erschta Generation.
5: Links im Bild ischd Iffy, mine Assistentin. Klasse Frau und o oane vo da weniga Lüt dia würklich schaffa künnand.

Bild 5: Erschta Schritt i da Renovierung waren gebrauchte Überganstisch, "normale" Stüahl, s Verlega vo Steckdosa im Raum und neue UPS (Große Akkus dia für an Computer eppa 5min heband zum ean ordnungsgemäß abafahra).

Bild 6: Zweita Schritt waren neue Computer, Tisch und Stüahl, Ventilatora und Liacht repariera und verkabla. Neue Stabilisatora dia dia neua Computer vor Stromfluktuationa schütza söttand. Dia Möbel us am voriga Bild han i dazua verwendet zum dia andra zwoa, deam Computerlabor zuaghöriga Klassaräum teilweise uszumstatta. O Tafla, Strom und Liacht hot ma döt inschtalliera müssa.
Nögschta Investitionsschritt isch a Ufrüschta vo da Computer uf 15 Stück, AC a dia Feanschtr und ev. WLAN und Internet.
Bild 7: An andra Toal vo mina Arbat war des usrüschta vom Büro in da Farm vom Institut. Uf am Bild d Nneka, d Sekretärin vo da Farm, dia be mir Computerunterricht nit, reacht häppi mit am neue Schpilzüg.
Bild 8: Hia und do bin i o im andra Teil vo da Stadt (coal camp district). Döt hot da Hugo sis Projekt und eana hilf i o a klä mit am Ufbau vo nam Computerraum. Uf am Bild d Ebere, Computerlehrerin und oana vo da Schüaler.

Woche 21: Wasserreservoire vo da thinkers corner

Europäische Erstbesteigung des tückischen Wasserturmes thinkers corner

über die Flanke des COLA-Berges!

Bild 1: A lässige Aktion hond mir a oanam Wochenendnachmittag gstartet In volla Montur hond mir üs uf an Weag gmacht (mindeschtens 20min Gehzeit!!!). Mitten durch dia wilde Flora Afrikas sind mir am Güaterweag gfolgt. Im schweiße unseres Angesichts hond mir ean denn endlich erzwunga, den COLA-Berg. Döt hond mir scho da nögschta Herausforderung ins Auge gschaut: Anam 15m langem Stuck guata nigerianscha Handwerkskunst und Qualitätsarbat, anara mind. 20 Johr alta Isaloatara.

Bild 2: Ehrlich..... vo oba schauts nur halb so wild us, aber unta hot üs no die Furcht i sinara eisigen Umklammerung feschtghalta, sodass i koa Fotos schüßa ha künna!!

Bild 3: Am Gländer am "Gipfel" hond mir üs denn s Bergheil agwüscht und hond dia wohlverdiente Aussicht genossen. thinkers corner, Enugu und eigentlich dia ganze Wealt hot sich uns zu Füßen gelegt.

Bild 4: Uf am Rückweg han i nomol deam Schrecken ins Auge gschaut und des Foto gschossa. Bild 5: Damit mir üs vo da Strapazen erhola künnand hond mir üs denn entschlossa zum in d Bar zum go. Tadaaaa: Damit stell i euch üsere Stammbar vor (Erste Metalltür von rechts.)
Bild 6: Klassische Ausgangssituation vo da diversen Öbad. Radler mit Gulder und Sprite und dazua ground nuts (Erdnüssle), frisch geröstet und voll guat.

Woche 20: good old NIGERIA

" Angolo della strada in Nigeria "

Bild 1: Jo, s zruck ko war ned so einfach. I han me scho widr sehr ans europäisch angehauchte Malawi gwöhnt. Inerhalb vo zwoa Täg bin i denn widr durch halb Nigeria (Lagos - Enugu) mit am Bus gfahra. Dazua widr amol a paar Impressionen vo da Stroß.
Uf deam Bild bekanntes nigeriansches Markttreiben. Klenns Detail am Rande: Lässiga schwarza Santa Clause uf am Coke Plakat.

Bild: 2: O des widr a klassisches Bild. Kinder hond oft dia Arbat zum s Wasser fürd Familie zum hola. Des trägand se wia do uf am Kopf uf karren ganze Schubkära über zum Toal kilometerlange Weag hoam.Bild: 3: Würschtelstand uf Nigerianisch. Untertags Hännafüaßle und am Obad SUJA. Leckere Fleischschtückle gegrillt mit frischa Zwibla und scharf gewürzt. Preis: 300 - 1000 Naira, je nach Menge und Qualität.
Bild: 4: Oa Wort muss ma no zum Rota Krüz verlüra. Des Hus isch dia medizinische Versorgungsstation Enugu. Was dia meischta ned wissen und o uf koam Foto i da Werbung zum seaha isch isch der Luxustempel für dia Scheffitäten usserhalb vo Enugu..... o der würt vo da Spendengelder zahlt!Bild: 5: Anara Stroßaeck in Enugu isch des lässige Graffiti. Direkt an da Wand vo da Bar: 8 hour sit out. Oana vo deana weniga Plätz wo ma bis schpot znacht furt go ka. Während am Obad s Graffitti langsam in da Dunkelheit verschwindet tauchend langsam dia erschta leichta Mädchen füra und gond ussaputzt a da Stroß am älteschta Gewerbe noch.

Woche 19: 3x Kerber für Malawi

... und sie lebten glücklich bis ans Ende ihrer Tage !!

Abschied für Brothers Grimm

Bild 1: Am letschta geimeinsama Obad, widr zruck in Lilongwe, hond mir natürlich no a Reflexionspierle trunka. Wia ma uf am Bildle siat hond mir jo doch einiges agschtellt.
Bild 2: In Mike sina Stammbar hond mir nomol zoagt, was dia Mzungus alles trinka künnand. Da Abschied in da 3world bar got uf jeda Fall, us mehrera Gründ (hehe), in die Annalen der Brothers Grimm i.
Bild 3: Der kuhle Knabe hot sich als Filmregisseur usgia und hot da Kri glei als Partner wella. Mit na paar Hunderttausend Quacha wär er denn scho dabei....
Bild 4: ... Mir hond dean denn reda lo und hond üs eher um üs drei kümmert... und um kalte Getränke.
Bild 4: Hjo und des isch des letschte gemeinsame Bild vo ÜS3 in Malawi.

Sichtlich mitgno vo da vorabendlicha Abschiedszeremonied hond mir üs denn am nögschta Mittag zu einem letschten Cola im Kamuzu International Airport igfunda. Es war ned leicht zum loslo, solche Erfahrunga bliben einfach tüf in oam din und jetzt wo i dean Post schrib zauberts ma immer no a Lacha is Gsicht, wenn i an dia ganza Sacha denk, dia mir unterno hond, a da ganze Blödsinn dean mir agschtellt hond, a dia ganza lässiga Plätzle dia mir gseaha hond und jo o a des ganze Pier des mir zemma trunka hond. (Denk do nur and Nachengwalodge und a des was da Ryan und Dayni gset hond. ;)))

!! Brothas, fetta Merse, des war echt a saubere Aktion !!

Woche 18: 3x Kerber für Malawi

... wandern got o in Afrika! "

Bild 1: Noch na reacht langa Nacht sind mir am 2. Tag in Blantyre go wandra ganga. Hätt üs d Mittagssunna ned s Reschtbier i da Bira gsotta wärs sogär reacht idyllisch gsi. Uf Trampelweagle sind mir durch Palmahaine, Schilfgräsmeer und verwachsene Bachläuf gwandert.

Bild 2: Oba ako hots a Wahnsinnsussicht ka. Allderings o a Wahnsinns Sunna. Gratissunnabrand hots mol für alle gia.

Bild 3: Do han i d Wahl ka zwüschat nam Gruppafoto und deam do. Denk ha dia richtige Wahl troffa, hehe!!! ;)
Am abewärts sind mir denn klä übermüatig wora. Zwüschat am kalta Carlsberg und üs isch nur no an ride uf da Ablagefläche vo nam Pickup durch desert, Dörfer und Ussastadt gschtanda.Bild 4: Am Obad sind mir no klä durchs nighlive vo Blantyre trudelt. Eigentlich nix bsunders, des Bild, aber so a Bar han i davor eppa 5 Mönat ned gseaha.... und wenn i mirs reacht überleg... sit do o numma....!

Woche 18: 3x Kerber für Malawi

... on the road to Blantyre!

Bild 1: Uf am Weag sind mir über nan Pass gfahra. Uf dera steila Stroß hond an Hufa junge Kerle Holz id Stadt abegführt. Transportzeit eppa 3h mit deam Fahrrad und super schleachta Bremsa. A wahnsinns Leistung.

Bild 2: Uf am Pass domma hond mir üs denn a Zimmer i deam oanziga Hotel gno. Wahnsinn, sowas stoht zmits in Afrika, und ma kut se vor wia i da Nibelungensaga.
Bild 3-4: 5 Sterne deluxe Hotel mit allem drum und dra. Wilde Bude, wilde Preise. An Arbeiter us da Stadt unta müsst für oa Übernachtung ungefähr oan Monat schaffa.
Bild 5: Einfach a fettes Bild. Hehe

Bild 6: Nur wenn ma uf an Balkon usse ganga isch war ma widr zmits in Afrika. Am nögschta Tag ischas witr ganga uf da andra Sita da Berg widr abe und zmits ine i Blantyre.