Woche 6: Beerdigung i na andara Wealt

"Min erschta Usflug inna Dorf!"

Bild 1: Da Christian hot üs iglada, be na Beerdigung vo nam hoha Würdenträger vo nam Dorf, dabei zum si. Mit na paar Öschtarichischa Gäscht hond mir üs denn im Institut troffa und sind im 3er Konvio losgfahra. Usse us Enugu und ab id Pampas. Sobald ma a klä usse us da Stadt kut isch num viel los abseits vo da Hauptschtroß (Autobahn). Uf nam klenna Rastplatz hond mir denn kurze Pause gmacht. A da Autos unschwer erkennbar: "Stadt" trifft uf "Dorf," "Rich" trifft uf "Arm".

Bild 2: Über Stock und über Stein ischas denna no eppa 1,5 Stund ganga, immer da Berg uffe. D Fealdweag be üs sind Autobahn im Gegasatz zu dera Stroß, dia ned me war, als Dreack wo ma d Botanik davo fern hebt. Oa klenns Dörfle kut noch am andara. Dazwüschat nur grüanes Dickicht. Wenn ma vorbeifahrt kond d Kind ussa und rüafand noch da tolla Autos. Wenn se denn no seahand, dass do Wiße dinna sitzand, sind se ganz aus dem Häuschen. Fascht uf am ganza Weag hot üs an Kinderchor begleitet: "Onye ocha", wiße Lüt!!!!!

Bild 3: So ischas o witr ganga, wo mir i deam Dorf, am Ende vo na Bergkanta ako sind. Oa "Schtroß" und daneabs oa alte, klenne Stromleitung isch des oanzige des des Dorf mit am Rescht vo da Wealt verbindet. Mir sind usgschtiga und i han an Tumult erleabt, wia no nia zuvor. Frödagschroa, Tanz, Trummlamusik, an Hufa total farbig aglete Lüt, dia de aschouand as wärscht an Goascht. Jeda schüttelt dir d Hand, will di berühra.
Bild 4: A altersgebeugtes Männle, oana vo da Dorfältaschta hot zu da Trummla an Freudentanz ufn Parkett glet, dass d nur no schtauna hosch künna. Uf sin Schtock gelehnt hot er üs denn strahlend d Händ gschüttelt und hot üs im Dorf willkommen ghoaßa!

Bild 4: D "Hauptschtroß" vom Dorf. Vorna am högschta Punkt vom Dorf hot der Mensch gleabt, für dean do dia Beerdigung plant isch. Da Lüt isch aber nüt azummirka. Der tägliche Umgang mit am Tod isch eppas ganz natürliches. Trotzdem würt an Grund zum Fäschta ned usglo, zumal jo ned Irgendeppr gschtorba isch, sondern a anerkannte Dorfgröße. Alle zühand s bescht Gwand a und für a Wile lot jeda im Dorf sis Tagwerk ligga.

Bild 5: A klä us am Kontext grissa isch dia Hütta vom "Igwe", vom Dorfschef, vom König. Er hot do s Säga, nüt loft ohne sine Zustimmung. Polizei und Gerichtbarkeit gits do ned. Alles würt seal gregelt, uf nam großa Platz anara Sita vom Dorf. Ida Mitte schtot an Bom: S eigentliche Dorfzentrum.

Bild 6: Einfach a schös Foto. Erwähnenswert: D Kinder luagand do seal ufanand. Sobald se num a da Bruscht gschtillt würand und halbweags lofa künnand ,kümmern se d Gschwüschtrige und verwandte Kinder um dia Klenna.

Bild 6: Des eigentliche Begräbnis findet statt. Alles würt a klä ruhiger. und fascht a klä andächtig. Vorna links (ma siahts ned) würt gad da Tote direkt vor sinam Hus vergraba. Heratransportiert wora isch er us am Nochburdorf, döt hots nämli an Kühlraum. Wo er widr innerhalb vom oagana Dorf war, hond zwoa Kanona Schüss abgia, als Zeichen, dass der Ma s letscht mol hoamko isch.

Bild 7: Danoch würand rituelle Tänz, vo da Dorfgruppa ufgführt. As git Zeassat und Ztrinkat. Trummlamusik schpilt widr. Dia Andächtigkeit isch so schneall ganga, wia se ko isch. Ausgelassenes Feiern isch agset.

Bild 6: Oa Stund spöter sind mir scho widr uf am Hoamweag. Landschafta ohne jegliche menschliche Iflüss zühand neabs da Schtroß a üs vorbei. Bergketta noch Bergketta nur Natur. D Obatsunna taucht d Landschaft i na goldiges grüa. As richacht noch würziga rota Erde und Reagaluft. Ma hört Grilla zirpa und Vögl singa, hinter üs a Okata fahra. I hätt nia dacht, dass i so äppas jemols erleaba wür. Mine Bilder und Worte sind nur a blasses Bild, vo nam Stuck Wealt, des sich da Wealt entzoga hot. A lange Fahrt ligt no vor üs, zruck id Realität.

Woche 5: Auf dem Weg nach Abuja

D Fotos sind leider nur vom Weag, i da Schtadt seall waren mir nur ganz kurz...
und i han d Kamera vergeassa *grrrr*!

Bild 1: Klassischa Laschtwaga do. D Tür us Holz und immer offa. D Räder total abgfahra und stinka wia a Ölfabrik. Entweder se sind voll belada, oder se fahren, wia do etz, leer umma. Eppas normals gits irgendwia ned.

Bild 2: Pimp my Laschtauto! Es gibt so a Surta Laschtwäga dia immer so agmolt sind, rund um. Find i voll da super. Dia Bilderszenen uf da Autos kond immer us da Bibel, vorzugsweise Mose und Jesus. Dazua a plakative Aussage wia do etz: "Prayer is the key!" und "Gentle we go!" Der ganze Aufbau be deana Autos isch us Holz. Isch ganz toll dia Dinger zum seaha, des zoagt, dass dia Lüt o uf eppas luaga künnand und eppas schö macha künnand. Oft verlürt ma dia Hoffnung do o a klä. Vieles würt halb gmacht und wenns kaputt isch würts ned repariert. Do freuts oam scho, wenn ma so Autos siaht.


Bild 3: Typische Verkaussituation. Dia Fraua sind immer schö azoga. Meischt würend Früchte, Nüss, oder Getränke direkt am Auto verkoft. Oft stond se direkt a da Schtroß, meischtens döt wo da Verkehr langsamer würt und preisen dia Wara a, dia se zum verkofa hond.


Bild 4: Da Knüller sind dia Muezzin Türmle. Do würt da ganze Tag ahaplärrt was got. Sind d Türme z klenn zum uffesto, denn baut ma halt an fetta Lautsprecher uffe. Jede Religion versuacht se Gehör zum verschaffa und Lüt zum awerba. Fürd viele Lüt hot se so an Mischgoba etabliert, konvertiera isch gängige Sach. An Moslem set er globt an Gott und Jesus. Chrischta globand an Vodoo und Aberglauba. Wichtig isch also denn, a was ma globt, sondern, dass ma globt.

Woche 5: Neus vo Enugu

"Han i no nia gseaha, oder no nia fotografiert!"

Bild 1: An nigel nagel neua bau, a riesigs Einkaufszentrum in Form vonam Ufo, hätt des gia sölla. Trotzdem isch as nia in Betrieb ganga. Nochdeam se fertig waren sind se druf ko, dass se ned uf feschtam Untergrund baut hond. Da Schef hot da Job varlora, d Lüt hond se umma sus gfreut und d Arbeiter hond koa Geald krigt für des was se do gschaffat hond.
Jetzt stoht r do, der neue Gebäudekomplex und sinkt langsam i, würt sich seall überlo, bis ma vilicht da Platz widr amol für eppas anderes brucht. Vorn a roschtigs Schild: Betreten verboten.

Bild 2: Mit minara ultrageheim verschteckta Kamera han i amol a Foto vo nam Polizischt gmacht. Der hätt ned so glacht wenn er mi dawüscht hätt. Des isch totatl verbota und im Normalfall nend se dir d Kamera ab. Dia siasch denn nie wieder. Zudem kas si, dass se de iknschteln, wegen "SCHPIONASCHE", gad wia se luscht hond. Wennd Fahrerflucht machscht dürfand se uf di schüßa, mit Halbautomatikwaffa!

Bild 3: Fallt unter dia Kategorie: "No nia gseaha!". Bemerkenswert isch, dass der Verkehr eigentlich vo links noch reachts go sött! Was i aber echt no nia gseaha han isch, dass uf deam Foto koa oanzigs Auto kaputt isch!

Bild 4: Irgendwia kut mir da Nama do bekannt vor? 6er Nuggets gits do aber trotzdem koane, dafür krigsch Hennafüaß mit Hut und Knocha. Eigentli eh ned so viel Unterschied... :)

Bild 4: Problematisch würds do, wennd uf Urlaub gotscht. Es söll vorko, dass denn oana daher kut und dis Grundstück einfach anam Andara verkoft. Wennd zruck kusch, kasch da a neus Hüsle ufn nam neua Boda baua. Vors Gricht go hilft gad gär nüt. Aber anscheinend a tolle Ufschrift, dia ma fascht be jedam Hus vorfindet: "This land is not for sale!"

Bild 6: Schaffa uf Nigerianisch: Oana schaffat und der Rescht luagt dazua, dass koana ischloft!

Woche 4: "Hin und wieder zurück!"

"the adventerous voyage home..."

Bild 1: Des WE hot me koscht, als mir denkt hond und so sind mir mit fascht koanam Geald vom Beach it Stadt gfahra, ohne eigentli zum wissa wias etz witr go söll. Alle Versuche Geald abzumheba sind gescheitert und dia Kollega vo da Julia sind ned erreichbar gsi. Langsam isch as Obat wora, Zit unter s Dach zum ko. Letschte Idee war in na Konvent zum Fahra und zum froga, ob mir döt übernachta dürfen. S letschte Geald hond mir am Fahrer fürd Fahrt noch Lagos Maryland zahlt. Im Konvent war zersch niamand do und denn waren se vo üserem Auftritt ohne Geald im Sack ned gad begeischtert. I han denn aber no an 50€ Schi i mina Täscha gfunda, dean i für an Flug als Notreserve versteckt ha. An Geldwechsler isch ko, hot üs zemmapfiffa, dass er normalerwis weags 50€ ned do hera kut und mir hond s Zimmer zahla künna, thank God!
Des Foto isch denn am nögschta Morga gschossa wora, vor da Abfahrt. An sichtlich erleichterta Schtefan lacht do vor nam Auto i deam er dia nögschta 8 Schtund hocka würt.

Bild 2: A da Tankschtella isch immer was los. Kerle mit so lässig hera grichtata Fahrrädle verkofand kalte Getränke. Vorn uf am Fahrrad uffemontiert, a fette Kühlbox.

Bild 3-5: Des "beschte" Gaschthus uf am ganza Weag vo Lagos noch Enugu, anscheinend. Dia nögschta zwoa Bildle zoagand an Toal vom Innenleben: "Die Räume für die gehobene Klasse mit Polstersessel, Ventilator und Gefäß zum Händewaschen incl. Handtuch!" Halt an Traum im Gegasatz zum Rescht. Dia Normalschterblicha hockand vorna i na Gaschtschtuba, dia an na Mischung zwüschat Ruine, Müllhalda und Vogewosi-Wohnung erinnert. Han me ned traut zum fotografiera, well doch einige kriminell usschauende Geschtalta recht giftige Blicke us irgendoana dunkla Eck gworfa hond. Rein und wieder raus, so schneall wiad kasch. Prrrr!!

Bild 6: Und so gots witr uf am Weag hoam. Zum Toal durch Schtädt wias Bild zoagt. Zum Toal mits durch d Botanik, über Stock und über Stein. So komisch wias klingt, aber i han me echt gfreut, wo i widr zruck i mis Zimmer ko bin. Noch na herzlicha Begrüßung mit da Lüt vom white house hots a Pier gia und ma hot se ustuscht, was jeda so erleabt hot i dera Zit.

Was tua, wenn ma richtig "aguna agum" isch?

"Neabs am Geald dreht se do s Leaba meischtens um Eassa!"

Bild 1: A richtiges Feschtessen znacht hots am erschta Tag, wo mir id Schtadt sind, gia. Erschtens hond mir vo deam Usflug an riesen Hunger ka und zweitens hond mir üs mit richtiga Feinheiten ideckt. Richtiges französisches Baguette, Wurscht undsogär Käs und Butter, dazua a körigs Pier und Eva (des beschte Wasser wos zum kofa git.), Früchte und "Suja" (a Schpezialität us gegrilltem Rindsfleisch). Zum des ganze abzumrunda hots denn schpöter no a Fläschle Wi gia.
Am Strand gits gär koan Schtrom, mir hond do aufladbare LED-Lampa mitgno, dia üs o dahoam (bi Schtromusfall) gute Dienschte geleischtet hond.

Bild 2: Schpezial isch natürli, dass d richtig fangfrisch Fisch kofa kasch. Des machscht am Schtrand, direkt wenn d Fischer zruck kond. Dia hond denn alles Mögliche im Boot, Krabba, klenne und große Fisch. Wia be nam klänna Volksfescht würt denn dia "Ernte" mit großem Gefolge is Dorf tret. Mir hond denn do einiges mit am Preis ummanandgfeilscht, verzellt wia schö sis Boot isch und gfrogt, wais da Familie got. Des kört se so. Dafür hot er üs denn o an ganz an fära Preis gmacht.

Bild 3: Üsere Errungenschaft 4 schöne Fischle. Da Candy hot dia denn glei usgno und heragrichtet. Uf nam Grill hond mir se denn gmacht. Vom Gruch aglockt isch da klenne Mann mit ufgschperrta Oga und Nasa am Zu gschtanda und hot beobachtet, was as do git. Er hot denn vo allna 4 Fisch d Köpf verputzt, sozusagen mit Haut und Haar, bis uf d Knocha....
Iglada waren zu deam Fäschtessen denn d Frau vom Candy und d Schwöschter, jeweils mit Boppele. Vo da Fisch sind nur d Gröt übrig bliba, dia da Candy denn, wias do mit am Müll üblich isch, einfach übern Zu gschmissa hot.

Bild 4: Vom viela Weallarita han i scho an köriga Kohldampf ka und han denn o am Candy gset: "I am really aguna agum!" (I han voll Hunger)

Bild 5: Am Obad erwacht dia Schtroß hinterm Strand zum Leaba und alles mögliche würt verkoft. Mir hond üs do meischt Suja und Plantaines (Große Bananasurta dia ma nur grillt eassa ku und so ziemlich guat schmeckt.) kholt.
Und so isch o da letschte Obad umme ganga. Viel Schönes, viel Neues, aber o viel unverständliches han i do widr gseaha. Insgesamt einfach widr a klasse Erfahrung, dia i fescht in Erinnerung palta wür.