Woche 4: Strandmenschen

"Am Strand trifft ma immer super Freunde..."

Bild 1: Der klenne Mann hot zwor nia was gset, war aber immer do und hot Mund und Ohra ufgschperrt und alles geassa, was ma eam gia hot... würklich alles. Hätt nia dacht dass der klenne Riese so viel eassa ka %-)

Bild 2: Jeda Tag isch der Verkäufer do gsi und hot üs Täscha, Körb und alla möglicha Plunder verkofa wella. Beachtenswert find i dennoch was der jeda Tag alles mit sich umma schleppt. "Das tragen diverser Lasten auf dem Kopf" ischt übrigens gang und gäbe.
Dia ganza Lüt wo do am Tag us und ischpazieren erklärend dir immer, dass se Wiße ganz klasse finden und di gern als super Freund ha wettand. Zudem wär dia ganze Familie, vo deana d Hälfte im Krankahus isch mit ganz schlimma Krankata, dia sich jeda Tag ändern, hocherfreut, wennd, als Bekundung der neuen Freundschaft, glei amol a paar Tausender ummawachsa lo tätescht.

Bild 3: Sind amol wiße Lüt am Schtrand, denn schauts eppa so us. Zur Hilfe, der Mann im Stuahl links im Bild isch da Wiße do. Neabs Verkäuferlis isch ned blos be da Kind s Beatla an beliebta Volkssport. Üs hot ma erklärt, dass viele einfach nüt schaffand, aber ned weil se koa Arbat finden, sondern weils Beatla glich lukrativ isch.

Bild 4: Am Ende vo so nam Tag bischt meischt recht k.o. Trotzdem isch a Schpazierle be Sonnenuntergang am Strand, mit gelegentlichem Schprung ins Wasser, immer fein. Dia Stimmung würt denn meischt o lockerer und ma ka mit da Lüt a klä reda. Uf am Bild zwo Gschwüschtrig, dia a ganzes Schtuck mit üs gschpaziert sind und a mords gaude ka hond, wenn ma se fotografiert hot.

Woche 4: Sightseeing am Strand...

... mit a paar Fotos

vonara "Schiffsruine"

Tjo, des Teil isch einfach zmits am Strand gschtanda. Hot irre guat usgschaut und d Fotos sind o was wora. Gschossa mit da Casio Exilim EX-Z80.

Woche 4: Strand

Üsara Holiday resort:

"Eleco beach, a lauschigs Plätzle!"

Bild 1: Dirket hinterm Strand isch a klennes Fischerdorf. Mit schö agmolta Bötle fahren dia am Morga früah is Meer usse zum fischa. Da Schtrand seal isch eppa 25m broat, am Wasser zuahe abfallend und... leider voller Müll. Überall ligand Fläscha, Papierle und Plasiksäck umma. Dia Lüt sind id europäische Wegwerfgesellschaft inezwängt wora, ohne je glernt zum ha, wia ma mit deam ganza Müll umgo söll.

Bild 2: Üsara Palascht, a zwoa stöckigs Strandhüsle. Besitzer sind riche Dorfbewohner dia üs des Hüsle um 6000 Neira (~40 €) vier Täg lang überlo hond. Gschlofa hond mir uf Holzligana, was ned ganz so gemütlich war.

Bild 3: Direkt hinterm Strand kummt an lässiga Palmenstreifa. Dahinter des vorher erwänte Dorf und a Stroß. Noch 10min Fahrt kut ma uf dia eigentliche große Strandstroß. Uf dera fahrt ma denn eppa 2,5h bis id Stadt.

Bild 4: Da Candy isch da Besitzer vo üsaram Hüsle. Er war dazua glichzitig Hausmeister, Security, city guide, safty guard, Koch, Einkäufer und Aufpasser während mir schwimma waren. Jedes Johr sterben anscheinend a paar Expats (Lüt vo ußerhalb) wells zum Toal gföhrliche Strömunga git.

Bild 5: S Wasser isch da Hammer. D Wealla zum Toal richtig hoch. D Temperatur so warm, dass so lang wiat wit im Wasser bliba kasch. Kusch denn ussa trüknat di an warma, noch Salz und Meer riachanda, Luft. Jeda Tag weachseln si Sunna und Wolka ab und zaubern so a Liachtspiel an Himmel, dass zum Toal nur mit offanam Mund do sto kasch.

Bild 6: Des gilt o für d Sunnauntergäng. I da Dämmerung erwacht dia klenne Strandstroß zum Leaba und es würt allerhand verkoft. Vor allam andara Alkohol. Viele vo da Richara Lüt versuachand do da Alltagsstreß vo da Stadt zum vargeassa.

Woche 4: Lagos Stadt

A verlängerts Wochenende hond mir in Lagos verbrocht. Han do widr viel neues gseaha. Afanga möcht i mit da Stadt.

Bild 1: Ufbaut uf mehrara Insla, dia mit großa Brugga mitanand verbunda sind ligt dia gröschte Stadt vo Nigeria: Lagos. Se hot 9-11 Mio Iwohner, gnau kann ma des ned säga, weil dia Volkszählunga nia ganz so hin ghaut hond, wia se hätten sölla. Hauptstadt vo Nigeria isch trotzdem Abuja, a recht junge Stadt, noch europäischem Vorbild.
In Lagos gits, bsunders in da Zentren vo da Insla, recht beeindruckende Hüser, wia des uf deam Bild. Des prahlen mit Reichtum zoagt se also o in da Gebäude. Drum umme sind denn meischt klenne Hüsle, oft o Wellblechhüseransammlunga.

Bild 2: Oane vo da richtig schöna Schtroßa. Guat grichtet, mit schönem Mittelschtreifa. Reachts und links Verwaltungsgebäude vo diversa großa Firma und viele Banka, s Stadtviertel vo da Richa.

Bild 3: Oas vo da typischa Stadttaxis. Ausgelegt auf minscheschtens 50 Pers. Bi weniger fahrand dia glob i gär ned. :)

Bild 4: Rich und arm sind, wia i da meischta städt do, ganz noch binnanand. Nagelneue Audis fahren neabs urarlta schrottkarra. Wiße "Krawattamä" lofand a schwarza Bettler vorbei, dia zum Toal Krankata hond dia ma be üs nia siat.

Bild 5: Viele gschickte Handwerker, wia der Schuhmacher uf deam Bild, verrichten eana sis Tagwerk uf da Stroß. Zühand mit eana sim Köfferle vo oanam Marktplatz zum nögschta Taxiplatz. Überall sind o Verkäufer vo Erfrischungsgetränke, Eassa, Handywertkarta und sus allam möglicha Züg umma. Han zum Beispiel oana gseaha der a alte handbetriebene Nähmaschiana uf am Kopf ka hot und dia be da vorbeifahranda Autos aprisa hot.

Bild 6: Des erschte Verkehrsschild des i in Nigeria gseaha han stoht in Lagos. Also verkehrstechnisch doch a ziemlich sichere Stadt. %-)

Woche 3: Einfach amol a paar lässige Fotos

"Es würt Obad..."

Bild 1: Oas vo da lässigschta Fotos dia i do gschossa ha. Am Obad zua hört d Arbat vo da Okata-Fahrer uf, se putzen eana sine bikes inara Püfza bis se glänzen. Es würd für a Stund ruhiger, jeda got hoam zu da Familia. A Stund spöter isch widr alles uf da Schtroß: Da Nachtmarkt fangt a. Mit Grill, Kirza und Lampa würt alles verkoft, was da Tag über ligga bliba isch. Überall rochts ussa, es riacht noch Kohle, Benzin, Grillzüg und da erdiga Natur dia se vo da Hitze vom Tag uszumruaha afangt.

Bild 2: Luagt ma denn an Himmel uffe siat ma wunderschöne Sunnauntergäng a nam riesiga Himmel mit schneall vorbeizühanda Wolka. Es würt schneall Nacht do, bald siat ma Schtern, dia in da Nacht umso healler Leuchten, weil koa Streulicht vo da Stadt kut, dia etz i oa oanzigs Liachtlemeer versunka isch.

Woche 2: Feier im Institut

"Fäschtr muss ma so fira, wia se fallen!"

Des isch eppas des dia Lüt do ganz guat künnand.

Bild 1: Fäschtaufbau isch do immer a ganz große Sach. Do würt alles gschmückt und hera grichtet as wia. Be dera Feier waren 200 Priester us am "Igboland" (Südostnigeria) iglada. Dazua war s halbe thinker's corner (der Stadtteil do) iglada.

Bild 2: Jo, do siat ma a klä vo deam Fäscht vo oba. Do isch as gad richtig am loslofa.

Bild 3: Dia Moatla hond unbedingt wella, dass i a Foto vo eana schüß. "It should be a pretty one!" hot se gset, mit erhobanam Zeigefinger. D Moatla putzen sich do für solche Feierlichkeita gern ussa, sind denn Hammer azoga und grichtet und strömen a exotische Schönheit us dia ma nur schleacht mit nam Foto ifanga ka.

Bild 4: Alloy und Bios hoaßand dia zwoa Kumpanen und hond o unbedingt uf a Foto uffe wella. Da Bios war so schtolz uf sis neue Handy, dass as o mit uffe hot müssa. Vo "Fotoscheuheit" isch be da jüngara Lüt koa Spur.

Bild 5: Dia Studentaband mit am Cliffard und na Fender Stratocaster als Lead. Spiela tond se echt hammer, irgendwo zwüschat Ska-Pe und Mana. Dia hond des Fäscht echt fett "gerockt" (Wia ma halt so set, odr!). Sogär dia Priester hond, noch a paar Gläser Palmenwein (traditionelles Nationalgetränk), voll mittanzt.
Um 15:15 Uhr hot s Fäscht uf da Tatsch ufkhört, ma hot agfanga ufrumma und alle sind hoam ganga. Eigenartig. Aber es isch do ned üblich, dass ma in Obad ine fäschtet. D Stroßa sind znacht einfach num sicher.