Woche 2: Impressionen vo da Schtroß

Immer wieder neue Sacha sia i einfach uf da Schtroß. Zum Toal unglaublich, was ma do so siat.

Bild 1: Obwohl dia Schtroßaverhältnisse zum Toal ganz schleacht sind findet ma immer widr so Denkmäler, schön gearbeitete Kreisverkehr und Statuen.

Bild 2: Guiness Werbung auf afrikanisch. "Smooth like dat!!" Schon a feines Bier... oder wars doch a isotonisches Getränk???

Bild 3: A lässigs Foto han i do vo nam Supermarkt gschossa. Näma wia God's grace Supermarket und so sind do gang und gäbe. Passend dazua sind denn o dia Preise für Wiße, wenn ma ine got... o irgendwia ned ganz vo dera Wealt... dia verlangen denn gern einfach amol des 4fache vom normala Preis (Damit gmoant isch dia Verhandlungsbasis für Einheimische).

Bild 4: Oft siat ma Unfäll, oda Autos dia einfach unter da Lascht vo da Ladung oda vom Alter zemma krachand. Uf deam Bild an schleacht beladana Laschtwaga, der s Züg verlora hot. Meischt schtond dia Löt denn zersch a halbe Schtund zemm und beratschlagen, was ma denn do tua ka, bevor d Schtroß widr frei gmacht würt. S Resultat sind Schtau's und witere Umfäll.

Bild 5: Jedes Auto dient gleichzeit auch als Personenbeförderungsmittel. D Lüt hocken überall ufe und lond se mitnia. Uf deam Auto zell i aloa 15 ganz hinta uf am Gepäck.

Woche 2: Lake Nike

A paar Bildle han i no vom Lake Nike. Hoff aber i da nögschta Wocha a mol an Usflug döt ane zum schaffa. Isch glob i ganz a lauschigs Plätzle. ;)

Bild 1-4: Dia Seeanlaga vom Protea würen öfter überschwemmt, dennoch sind se guat gepflegt und lässig zum a klä schpaziera go. Interessant isch o no dass da ganze See Eigentum vom Protea Hotel isch. Des hoaßt, dass o nur dia Lüt do fischa dürfen dia a Erlaubnis hond. Muss glob i ned dazua säga, dass dia Erlaubnis ned ganz billig isch. Kreuchen und fleuchen tuat do reacht viel, an Hufa Fisch, Vögel und Krokodile, dia i aber no ned gseaha ha. Uf am Protea Gelände sind dia verboten. :)

Woche 2: Hotel Protea

Noch da erschta Wocha möcht i dia Posts eher a klä in Themen gliedern und euch a klä davo varzella was i so trib und ussa gfunda ha.

Bild 1-5: Eppa a halbe Stund Autofahrt usse us da Stadt ligt da Lake Nike. A deam großa See, eppa wia da alte Rhi, blos a ganzes Schtuck größer und mit Krokodila ligt "das beste Hotel Enugus": Protea. Mir hond üs do a Pro-Card koft, des hoaßt, dass ma dia Annehmlichkeiten des Hotels nützen dürfen, obwohl mir koa Zimmer hond do. Geplant gsi wär Internet im Cafe, Benützung des Sportstudios und Schwimmen im Pool. Internet hot ma üs a halbe Wocha spöter gschtricha, des Sportstudio isch an klenna Raum mit Sportgeräten vo deana d Hälfte in Wartung oda ganz kaputt isch. Dafür isch d Temperatur so aba kühlt, dass dir überlegtscht Kappa und Händscha zum kofa. Dafür isch da Pool ganz in Ordnung und d Atmosphäre isch o guat.

Bild 1: Der kamote Typ uf deam Bild isch da Titus, üsara Fahrer. Er kennt a ganza Hufa guata Plätz zum Ikofa und hilft immer o a klä be da harta Verhandlunga bim Preis vo da Wara. Da Wißa Lüt würt generell an höhara Preis veranschlagt und se lond se do o nur beschränkt abahandla, liabr verkofend se denn gär nüt. Gelegentlich scho a klä eigenartig.

Tag 7

"Wösch wäscha"
A serious work

Bild 1 und 2: "Wösch wäscha" isch do no a körige Arbat, schtreng und ernschthaft. Solomon, Bartholomeo und i hond üs am 10 znacht troffa, jeda mit am Pack Wösch. Gwäscht würt im Kübel mit OMO, Wasser und sus nüt. S schrubben vo da völlig verschwitzta Wösch erfordert viel Energie, dia mir üs, wia mir empfohla wora isch, mit reichlich "Guiness", a Art isotonisches Getränk, widr zuaführa hond müssa. Um s Wäscha und schrubba erträglicher zum macha hot ma denn spöter eine Art Arbeitsgesang agschtimmt, am Schluss sogär 3stimmig. Trotzdem war dia Arbat so anstrengend, dass mir um zwo am Morga, ausschließlich an Ermangelung körperlicher Kräfte, Mühe ka hond d Steaga uffe is Zimmer zum schaffa.

Bild 3: Am nögschta Morga waren mir alle hunds kaputt, dia Dämpfe vo deam Wäschmittel OMO gänd anscheinend Kopfweh! Nur a Frühstück für Champions bringt oam do widr: Kaffe und Pulvermilch, dazua körig Haferflocka us Europa und a Brot dazua.

Tjo des war dia erschte Wocha. Mit jedam neua Oga uftua siat ma widr eppas Neues. Mit jeda Drehung vom Kopf erfahrt ma Dinge vo deana ma davor koa Ahnung ka hot. Manchmol hot ma s Gfühl widr a Kind zum si, i nara Wealt wo ma vieles ned verstoht und us am Stauna numma ussa kut.

Tag 6

"Vier schnealla Fotos vo da Schtroßa do."

Bild 1: Dia Helden vo da schtroßa: "OKATAfahrer".
Dia schneallschte, billigschte und gföhrlichschte Transportmöglichkeit im Chaos vom Schtroßatschungel. Da Fahrer sind mächtig stolz uf eana si Gefährt, des se uf unterschiedlichschte Weise "pimpen" und immer sauber putzt hond, was ma vo da Taxis ned behaupta ka. Ma siat se überall wia se sich furchtlos durch d Stau's schlängeln, meischt mit mehrara Passagiere hinta domma dia d Oga zuakniffa hond vom Schtob uf da Schtroß.

Bild 2: Do siat mas no besser. Hüfawis fahren dia umma.

Bild 3: Typischa Blick uf d Schtroß und d Hüser rund um. Viele Gebäude sind ned fertig gschtellt und schtond so als Ruina ummanand. D Schlaglöcher uf da Schtroßa sind zum Toal so wild dass ma nur Schritttempo fahra ka.

Bild 4: Stadtzentrum, Presidential street. Reachts isch a großes Stadium, d Schtroßaränd sind gesäumt vo klenna und größara Lädele. Solang s heall isch hoaßt's Stau uf deara Schtroß.

Tag 5

Dia Bilder hüt sind a klä us am Alltag be mir do.

Bild 1: Do bin i gad am eaßa und am schwätza mit da Constance. Si isch d Person in charge vom Schprachzentrum und recht gemütlich drauf. Han also o "beruflich mit era zum tua." :)

Bild 2: Tjo, des bin i bim Abwaschen, unschwer erkennbar. Interessant isch dass as do gad Wasser gia hot zum Abwäscha. Aba koan schtrom, drum schtond do a paar Kirza umma. Beides zemma isch amml scho luxus.

Bild 3: Min klenna Freund Stephen. A intelligentes Kind des vo da Eltara weack gia wora isch well se koa Geald hond um s Kind zum ernähra. Jetz wohnt da Stephen do im white house, würt vom Solomon (Hausverwalter) erzoga und für dia Kosten kummt da Christian (Provost vom Institut) uf.


Bild 4: Isch diese meine oda. Uf oanam vo da Balkon vom "white house" (Des isch da Beiname vo deam Hus wo i wohn. Über dia Gründe, warum ma des Hus so gnennt hot, würt wild spekuliert. :)

Bild 5: Lesen bei candle light. Wenn da schtrom mehrere Täg usfallt denn gond o d Akkus vo da Taschalampa us. Alls was oam denn no vo da dunkelheit trennt isch a klenne kirza uf am tisch.

Bild 6: Abendessen mit am Schef. A Guiness muss do scho uf an Tisch. :) S eassa gits immer i so warmhaltetöpfle. Normalerwis aber us plastik. Oft gits Reis, Jam (So ne art süaße Kartoffel) oda Nudles. Dazu meischt a scharfe Soß und immer a klä a Fleisch, meischt an Hennafuaß, oder Flügele. Halt a klä zum gnaga. :)

Bild 7: Fehla derf do natärli da Solomon ned. Kamota Kerle, Schef des white house und headteacher in da Grundschual vom Institut. Da Deal isch, i zaog eam a klä Guitarren und er zoagt mir klä Trümmala.