"A Mischung zwüschat Lost, Indiana Jones und Universum!"
Bild 1: Da Weag zum Fluss führt durch Urwald, Bambushaine vorbei a Palma und riesiga Böm. S Unterholz isch dicht, a da Böm zühand se Kleattrpflanza uffe. Überall schwirren große und klenne Insekta umma, d Luft isch erfüllt vo allerlei Gebrumm und Gezirpe, frömde Vögel zwitschern i da Böm. Es riacht noch feuchta Pflanza, hoaßa Luftfeuchtigkeit, irgenwia a klä noch alta Rhi und rota würziga Erde.
Bild 2: Zmits din a Hus umdrängt vo diachtam Grün, i da Mitte a große Fürstell. Daneabs a Wellbleach ufgschtellt als Unterschlupf. Ma set üs mir sölland koa Fotos schüßa, des sei an Ritualort für Vodoo. I schau me um und sia Tierschädel ummaliga. Am Unterschlupf ligt Feadrzüg, an Vogl isch do gschlachtet wora. Mir würt a klä komisch. Ohne Foto isch as trotzdem ned ganz ganga. Sit do han i so an komischa Schmerz i da Wirblsüla.... :)
Bild 3: Da Fluß wia us Universum. Überhängende Pflanza streckand eana sine Äscht wit über da langsam vorbeizühende Fluß. S Wasser isch a undurchsichtiges Grünbraun. Irgendwia hot koana Luscht ka uf Füaß ine heba. D Lüt do gond aber gern go bada und mit klenna Bötle und runda Bambuskäfig würt a deam Fluss gfischt.
Bild 4: D Lüt leaband do no in Symbiose mit da Umgebung. Irgendwia scheinen do dia zwoa Sacha Mensch und Natur no ned usanandergrissa zum si. D Menscha wirken gemächlicher, eigenartig natürlicher. Des bekannte Bild vo na Strommaschta wirkt i deam Kontext unpassend und frömd. Mir Wißa hond eana einfach üser Züg ufdruckt, ohne zum nochfroga, ob se ned eana si Leaba einfach sealbr leaba hättend wella. Sit da Imperialzit tond se nüt anders, als zum versuacha se i deam neua Leaba, des eana "gschenkt" wora isch, zreacht zum finda, eana sin Platz zum suacha inara Wealt dia liabr uf eana ummatrampelt, als eana Platz zum macha.
Bild 5: Solcha Züg schüßt mir uf am Hoamweag durch an Kopf. Gedankenversunka luag i us am Feanschtr use. Uf da andara Sita vo da klimagekühlta Windschutzschiba züht a Wealt vorbei dia se nur langsam verändert...
Bild 2: Zmits din a Hus umdrängt vo diachtam Grün, i da Mitte a große Fürstell. Daneabs a Wellbleach ufgschtellt als Unterschlupf. Ma set üs mir sölland koa Fotos schüßa, des sei an Ritualort für Vodoo. I schau me um und sia Tierschädel ummaliga. Am Unterschlupf ligt Feadrzüg, an Vogl isch do gschlachtet wora. Mir würt a klä komisch. Ohne Foto isch as trotzdem ned ganz ganga. Sit do han i so an komischa Schmerz i da Wirblsüla.... :)
Bild 3: Da Fluß wia us Universum. Überhängende Pflanza streckand eana sine Äscht wit über da langsam vorbeizühende Fluß. S Wasser isch a undurchsichtiges Grünbraun. Irgendwia hot koana Luscht ka uf Füaß ine heba. D Lüt do gond aber gern go bada und mit klenna Bötle und runda Bambuskäfig würt a deam Fluss gfischt.
Bild 4: D Lüt leaband do no in Symbiose mit da Umgebung. Irgendwia scheinen do dia zwoa Sacha Mensch und Natur no ned usanandergrissa zum si. D Menscha wirken gemächlicher, eigenartig natürlicher. Des bekannte Bild vo na Strommaschta wirkt i deam Kontext unpassend und frömd. Mir Wißa hond eana einfach üser Züg ufdruckt, ohne zum nochfroga, ob se ned eana si Leaba einfach sealbr leaba hättend wella. Sit da Imperialzit tond se nüt anders, als zum versuacha se i deam neua Leaba, des eana "gschenkt" wora isch, zreacht zum finda, eana sin Platz zum suacha inara Wealt dia liabr uf eana ummatrampelt, als eana Platz zum macha.
4 Kommentare:
hey stefan, echt tolle fotos und ou din blog isch wirklich interessant, i wart immer gspannt uf an neua itrag :-). i hoff du heasch a schöne zit!
Merze Merze. Da letscht Itrag isch a klä ganga. Han lang koan Strom ka und min Internetvertrag isch usgloffa.
Aber sus bassts echt guat. Wia schauts denn be euch us? Hond r Schnee i da Rüte?
woaß nid - musch wohl mine schwöschtr froga... aber mir händ sogar schnee in brüssel kha, was anscheinend nur alle 2 johr vorkuht. d'lüt sind voll glücklich gsi über dean zentimeter, d'büs sind num gfahra und d'autos nur no mit 10 km/h. tjo. mi heat's jetzt nid so aufregend tunkt :D
lol. Glob i. Versuach mr gad vorzumstella wias do zua go tät? I glob do wären alle so us am Hüsle, dass koana me schaffa go tät. So wia Wiehnächta, Oschtara und Staatsfeiertag zemm. :))))
Kommentar veröffentlichen