Woche 16: Likoma Island am Malawisee

An klenna lässiga Usfug noch Likoma

Bild 1: Min Brüader schaffat do be na klenna Fulggesellschaft namens Nyassa air taxi und so han i dia Möglichkeit a paar Mol mit eam zum mitflüga. Am Morga hond mir da Flüger heragrichtet und sind denn mit a paar Passagiere noch Likoma gschtartet.

Bild 2: Des Bildle han i kurz noch am Start gschossa. Im Hintergrund siat ma no da internationale Flughafa Lilongwe. D Landschaft und d Natur vo Malawi got in Richtung Savanna. Zwüschat da klenna Hügele wachst viel Gräs und vereinzelt findet ma Böm, gelegentlich siat ma Wälder, Flüssle, dia se tüf in Boda igraba hond und klennere Seele.

Bild 3: Da gröschte See isch da Malawisee. Eigentlich scho uf da mosambikischa Sita vom See ligt dia Insel Likoma, dia aber zu Malawi kört. Noch oana Stund Flug sind mir sicher ufana nid teerta Landebahn glandet. An Fußmarsch vo 20min durch Kassavafealder, vorbei an Dörfer riesiga Schtöa und Mangoböm hot üs denn an Strand brocht. Grobkörniga Sand und super Sauberkeit machend s Wasser glasklar. D Lüt sägand, dass as so suber isch, dass mas trinka ka.

Bild 4: Mir hond üs denn vo da naheliegenda Böm a paar Magos organisiert und dia denn gemütlich im Wasser sitzend gnossa. Uf am Bild links isch da Centhil, o an Pilot vo Nyassa air taxi. Des reachts isch min Brüader Michael.

Bild 5: Uf am Rückweag hond mir denn a kurzes Päusele unter nam großa Baobab Bom gmacht. Der lässige Bom kört zu da Gattung vo da Affenbrotböm und fascht jeder Teil vo eam würt vo da Lüt für irgendeppas verwendet: Medizin, Häs, Nahrungsmittel...
D Mythologie set, dass da Tüfl seal dean Bom usgrissa hot und mit am Kopf vorus in Boda gschteckt hot, er hot aber witr gleabt und hot etz einfach a da Wurzla Blätter. :)

Woche 15: Nach Malawi über Lagos und Nairobi

Mein dritter Aufenthalt in Lagos

Bild 1: Desmol mit ABC-Transport ischas am 14.12 i nam richtiga großa Bus noch Lagos ganga. Because of security reasons hot ma ned telefoniera, ufschto, elektrische Geräte verwenda türfa. Trotzdem war dia Fahrt wit us komfortabler als dia letschte, do bin i mit am klenna Büsle, uf nam Holzbreatt sitzend in Lagos ako. I da Ankuftshalla han i denn des Foto gschossa, üser ganzes Hab und Gut für üsere Reise.

Bild 2: Um dia erschte Nacht hond mir üs, bezüglich Hotel, ned lang umluaga künna und so sind mir i deam "Luxusschuppen" Cumberland abgschtiga. Indisches Hotel mit super Küche. Allerdings z tür für üsere Möglichkeita.

Bild 3: YMCA (Young Men's Christian Association) war des Ergebnis vo üserea Nochfrschunga am nögschta Tag. Voller Stolz hond se üs döt, für Wiße blos angemessen, dia Luxus Suit zur Verfügung gschtellt. Ärkondischon us da 90er, Fernseher us da 80er und s Bett got glatt als Antiquität durch. Trotzdem hond mir üs gfühlt wia dia Könige.

Bild 4: Oas vo deana weniga Fotos dia i vo da Stadt gschossa han. Mir sind ausschließlich mit Okadas gfahra. Dia ganze Stadt isch oan oanziga Stau. Für dia gliche Strecke für dia du mit am Okada 10 min bruchscht schaffscht mit am Taxi inara Stund ned.
So hond mir also dia weniga Highlights abgeklappert:
Shoprite: Des gröschte Einkaufszentrum weit und breit (Eppa halb so groß wia da Messepark)
Mega Plaza: O a Einkaufszentrum für Elektroniksacha
Kino, und dia viela verschiedana, großa, verschachtelta Märkt.

Bild 5: Altbekanntes Ziel: Drei Täg hond mir widr am Strand verbrocht. Allerdings hond üs desmol d Mosquitos körig plogat, sodass mir znacht koa Og zuatua hond künna. Am 20. Dez isch denn min Flug noch Malawi ganga. Doch me vo deam im nögschta Post.

Woche 11: Basar uf na Farm

"Erntedank a la Nigeria"

Bild 1: Am Sunntig hots uf da Farm, dia zum Institut kört, an großa Basar gia. Uf am Weag kut ma a da alta Eisenbahnlinie vorbei. Se hot früher dia Kohlestadt Enugu mit da Hafenstädt Lagos und Port Harcort verbunda und führt somit zmits us da Pampas direkt as Meer.
Wo denn d Kohle als schwarzes Gold sine Bedeutung verlora hot, hot ma dia Eisenbahnlinie einfach verko lo. Viele Güter, dia etz nur mit Laschtwäga über dia gföhrliche Stroßa gführt würen, hätten per Bahn viel risikofreier transportiert wöra künna...

Bild 2: D Farm ligt eppa 1,5h, wiederamol über Stock und über Stein, usserhalb vo Enugu. Döt ligt se reacht verstreut a nam See, anscheinend mit Krokodil, vo deana i allerdings ned viel gseaha ha, mond reacht schüch si. :)
Uf am Weag muss ma über na Brugg, dia eppa i glich schleachtem Zuaschtand isch wia d Eisenbahnlinie.


Bild 3: D Landschaft isch irgendwo zwüschat Urwald und Steppe, eigenartig irgendwia. S Gebüsch würd immer widr unterbrocha vo klenna Pflanzaplantaga, dia de Einwohner vo da klenna Dörfer a da Stroß apflanzen. Abaut würt Cassava (Juca-Pflanze), Yam (Kartoffelähnliche Pflanze), Kartoffla und sus allerhand Züg.

Bild 4: Körig durchgschüttelt sind mir denn i da Farm ako. An Hufa Trubel so witab vo da Stadt. Natürlich isch d Band o widr dabei und hebt d Lüt bem Warta uf da Beginn vo da Meass bei Laune.

Bild 5: D Lüt us da anliegenda Dörfer kond uf des Fäscht natürli mit Kind und Kegel. Im Zentrum vo deam ganza Trubel isch allerdings dia Großfamilie dia uf da Farm leabt und se betribt. Uf am Bild widr a paar Kind, d Eltara sind anderweitig beschäftigt, d Kind passen uf se seal uf.

Bild 6: D Obrigkeit hot Platz gno. D Meass ka afanga. 4 Stund spöter isch se immer no ned fürtig. Viel gits zum säga und zum tua. Erntedank isch a Riesenfäscht do.

Bild 7: Inara ausgedehnta Zeremonie beschenken d Lüt dia Kriche und bedanken sich damit für dia guate Ernte. An kurza Ablauf han i i zwoa Collaga zemmagschtellt:

Bild 8: In verschiedenschta Gruppa zühend d Lüt vo hinta füra zum Altar. Dabei würt tanzt und glacht, ausgelassene Stimmung einfach. Links und reachts isch dia versammelte Gemeinde, da Chor und d Band. Je nochdem, schenken dia Lüt agfanga vo Eier, Kartoffla, Jam, Cassava, Palmöl über Kenna, Zieaga und große Schweine bis hin zu Müllkübel, Plasikstüahl und Geald.

Bild 9: Vorn am Altar findet a Art Übergabe statt und d Lüt würen vo da Priester gesegnet und mit ana Weihwassersprüher besprengt. Denn gits an großa Abzug mit Freudenrufen und Tanz, dia nögschte Gruppa wartet scho uf eana sin Auftritt.
Moderiert würt des ganze vo nam MC, der dia oanzelna Gruppa vorstellt. Noch da 20. Gruppa han i ufkört zella. S white house hot o a Gruppa ka und so bin i o dazua ko tanzend noch vorn zum züha und a Jam abzumgia.

Bild 10: Nochara 4ahalbstündiga Meass hot d Kircha denn an richtiga Hufa vo verschiedenschta Güter ufghäuft ka. As hot zeassat gia, wia be jedem Fäscht, und denn hot ma tanzt und trunka. Nochanara Wile ischas widr ruhiger wora und a Versteigerung vo da zuvor verschenkta Güter hot agfanga. Dia Riach hot ma vorn an "high tabel" iglada und döt hond se dia ganza Sacha erschteigara künna. Dabei hot da MC jeweils oa Packet vo Wara angepriesen und d Lüt hond großzügig bota. Da Reinerlös isch denn da Farm, als Gastgeber, zugute ko.

Bild 11: Danoch hots a kurze, aber heftige Party gia. D Lüt hond ausgelassen zu da Musik vo da Band tanzt. Palmwein isch in Strömen gflossa. Oa Stund spöter war da Platz wia leergefegt. - Alle sind hoam!

Bild 12: Und so hond o mir dia Heimfahrt angetreten. I bin zum Handkuss ko und han an 2er Golf beladen mit 8 Lüt hoamführa dürfa, min erschta Fahreinsatz in Nigeria.

Woche 10: Mit am "Ferko" zum Markt

"Ferko" stoht für Vehicle

und damit gmoant isch da "öffentliche" Bus!

Bild 1: A Usflügle amol mit Öffis. Zerscht muss ma zfuaß zur Bushaltestell lofa, eppa 15min. Uf am Weag döt ane han i a schöne Sicht uf mis Dahoam krigt:

- Links im Bild siat ma des blaue Institut vo Enugu. Döt schaff i.
- Reachts sind 5 wiße Gebäude. S zweite vo reachts isch s "white house".
Döt wohn i. Mis Zimmer schaut leider i dia andere Richtung.
- Links unta usserhalb vom Bild isch üsere Stammbar. Vo döt gits bis etz no
koa Fotos, kut aber scho no. :)

Bid 2: An Traum vonam BUS. Sogär d Liachter sind ganz und d Stoßschtang hängt ned abe. Ned ganz so a schönes Exemplar hot üs a deam Tag mitgno.

Bild 3: Tjo, denn hoaßts aufsitzen. I da Büs ischas immer sau eng und voll hoaß. Sitza tuat ma uf irgendwelcha inegschweißta Bänkle, wennd Glück hosch sogär mit Polster. D Fahrt isch aber ned wit ganga. Be da nögschta Halteschtell sind mir widr usgschtiga, Texaco Station, benannt nochana großa Tankschtell a dera alle us und ischtigand.

Bild 4: Tjo und denn hots ghoaßa a da Einkaufsmeile a klä ummanandflaniera. Do gits allerhand Züg zum seaha. Uf deam Bild an richtig lässiga Lada. Wer do hera kut würt i sina Müßiggängerzeit so richtig verwöhnt. As git zeaßat und ztrinkat, sogär mit aircondischon. Wers ned hoam schafft am Obad, kann se o a Zimmer do nia. Unwahrscheinlich aber, dass er der einzige Bewohner vo deam Zimmer si würt. Grrrr!!!!

Bild 5: An CD-Lada hond mir denn o gfunda. Do krigtscht du alles was das Einheimische Herz begehrt, aber ned viel internationale Musig.... usser 50cent und Celine Dion.
Hmmm, bedenkenswert? :)

Bild 6: So, des isch an ganz an wichtiga Lada. Erschtens machand mir do immer a kurze Pause zum a klenns Erfrischungsgetränk zum nia, koscht 40 Neira (30 cent). Aber viel wichtiger isch, do git as üser Bier Gulder zum kofa.
A klenne interessante Randbemerkung:
Du kasch nur a Kischta Bier ikofa, wennd eana a leere Kischta ane schtellscht. Irgendwia hauts do einfach ned so guat hin mit Leerguat und so. Wennd do klä nochdenkscht würts kompliziert: Wo krigscht denn a leere Kischta her?
In der Tat gits do oagene Lädele dia nur mit Leerguat noha tond und do kasch denn um 1500 Neira a leere Kischta Pier kofa!

Bild 7: Widr uf am Hoamweag han i des Treiben im Bus a klä beobachta künna. Dia sind immer zu Zweit unterwegs. Oana fahrt, da andere kassiert ab und preist dia Vorzüge vo deam Büsle a. Zudem rüaft er all oa Wort: Ababpa, Ababpa, Ababpa,.... und des hoaßt, der Bus fahrt döt ane. Klingt luschtig. Uf am Bild siat ma sin Platz glei be da Tür. Im Moment isch er aber duss am Lüt isammla. Dia würrand denn freundlich, aber bestimmt, schneall is Auto zerrt und quetscht und denn gots witr zur nögschta Station.

Bild 8: As würt immer schneall Obad do. Und so schtigand mir umma halbe 6e a da thinkers corner us. Da Fahrer luagt no schneall zruck. Onye Ochas siat er wohl ned oft i sinam Büsle.

Woche 9: Koa Feier ohne Tanz

"An Tanz mit Geschichte!"

Es war einmal...

... an König der hot zwoa Töchter ka. Glücklich hot er mit Eana i sinam Dorf zmits im Urwald gleabt. Alles war schön und guat. Doch mit da Zit sind dia Moatla älter wora und Mä us am Dorf hond a Og uf dia zwoa Königstöchter gworfa. O dia Moatla hond se verliebt.

... Dia Erschtgeborene, Eitle hot se i nan richa Ma us am Dorf verschaut.

... Dia Jüngere, aber Hübschere hot se i nan arma Kerle verliebt. Etz ischas aber so gsi, dass der Riche gern dia junge, hübsche Tochter ka het.

... Mit verschiedana Tänz möcht er se überreda, vom arma Schlucker ab zum lo. Der Arme möcht natürlich o a Wörtle mitreda und fangt mit am richa Ma a zum schtrita. O dia ältere Tochter isch ned ganz zfrida mit der Gesamtsituation und isch agfreassa uf dia Klenn. Der Königspapa möcht einfach nur alls reacht macha, woaß aber i deam Fall weder i noch us.

... Also befrogt er a luschtiges, komisch tanzendes Fabelwesen us am Wald. Des verspricht eam zum healfa, wells siat dass der arme Kerle, sine zwoa Töchter und eigentlich o des ganze Dorf sehr drunter lieden. Mit allerlei Libidotänzen hot der klenne Amor, unsichtbar für alle usser am Papa, versuacht dia Gschicht widr in Ordnung zum bringa. Mit viel Mühe honds denn da Papa und des Fabelwesen zemma gschafft.
S Fabelwesen hot deam Richa da Kopf vatreit, sodass er denn vollkommen dera ältara Tochter verfalla isch, gschiat eam reacht, so an unmoralischer Kerle. Des hot natürli beidna Töchter taugt, well so dia Jüngere o era sin junga, arma , aber sympatischa Kerle krigt hot. O da Papa war etz zfrida. Zur Doppelhochzit und zu Ehren vom Fabelwesen hot er denn a riesen Fäscht gschmissa. Alle hond tanz und a Freud ka. Und so isch am Ende doch alls guat wora.

Dia Moral vo dera Gschicht?

"Es git immer Mächte dia unsichtbar am Werk sind und versuachand dia Missstände uf dera Wealt, bsunders aber was Liebessacha agot, in Ordnung zum bringa."

Woche 8: Landschaft ums Flussdorf

"A Mischung zwüschat Lost, Indiana Jones und Universum!"

Bild 1: Da Weag zum Fluss führt durch Urwald, Bambushaine vorbei a Palma und riesiga Böm. S Unterholz isch dicht, a da Böm zühand se Kleattrpflanza uffe. Überall schwirren große und klenne Insekta umma, d Luft isch erfüllt vo allerlei Gebrumm und Gezirpe, frömde Vögel zwitschern i da Böm. Es riacht noch feuchta Pflanza, hoaßa Luftfeuchtigkeit, irgenwia a klä noch alta Rhi und rota würziga Erde.

Bild 2: Zmits din a Hus umdrängt vo diachtam Grün, i da Mitte a große Fürstell. Daneabs a Wellbleach ufgschtellt als Unterschlupf. Ma set üs mir sölland koa Fotos schüßa, des sei an Ritualort für Vodoo. I schau me um und sia Tierschädel ummaliga. Am Unterschlupf ligt Feadrzüg, an Vogl isch do gschlachtet wora. Mir würt a klä komisch. Ohne Foto isch as trotzdem ned ganz ganga. Sit do han i so an komischa Schmerz i da Wirblsüla.... :)

Bild 3: Da Fluß wia us Universum. Überhängende Pflanza streckand eana sine Äscht wit über da langsam vorbeizühende Fluß. S Wasser isch a undurchsichtiges Grünbraun. Irgendwia hot koana Luscht ka uf Füaß ine heba. D Lüt do gond aber gern go bada und mit klenna Bötle und runda Bambuskäfig würt a deam Fluss gfischt.

Bild 4: D Lüt leaband do no in Symbiose mit da Umgebung. Irgendwia scheinen do dia zwoa Sacha Mensch und Natur no ned usanandergrissa zum si. D Menscha wirken gemächlicher, eigenartig natürlicher. Des bekannte Bild vo na Strommaschta wirkt i deam Kontext unpassend und frömd. Mir Wißa hond eana einfach üser Züg ufdruckt, ohne zum nochfroga, ob se ned eana si Leaba einfach sealbr leaba hättend wella. Sit da Imperialzit tond se nüt anders, als zum versuacha se i deam neua Leaba, des eana "gschenkt" wora isch, zreacht zum finda, eana sin Platz zum suacha inara Wealt dia liabr uf eana ummatrampelt, als eana Platz zum macha.

Bild 5: Solcha Züg schüßt mir uf am Hoamweag durch an Kopf. Gedankenversunka luag i us am Feanschtr use. Uf da andara Sita vo da klimagekühlta Windschutzschiba züht a Wealt vorbei dia se nur langsam verändert...

Woche 8: Flussdorfeinwohner

"A paar Fotos vo da Lüt do!"

Bild 1: D Moatla hond, wia ma siat a mords Gaude ka. Ned so ganz da klenn Skeptiker reachts im Bild. Er, sich sinara Rolla als männlicha Repräsentant vo dera Familie voll bewusst, war ned so ganz iverstanda mit soviel Spektakel weags a paar Onye Öchas. Als Kerle isch as sine Ufgab do Ruhe zu bewahren und da Moatla zum zoaga wia ma se eigentli zum benia hätt.

Bild 2+3: Lockerer waren do dia Jungs druf dia üs mit uralta Räder bis zum Fluss abe begleitet hond. Wia Profis hond se vor da Kamera posiert und eigentli überhaupt gär num gnua krigt vom abgelichtet würa.


Bild 4: Oas vo da schönara Fotos. Links im Hintergrund siat ma zudem guat, dass ma scho da klenna Kind beibrocht hot d Laschta uf am Kopf zum träga, a weitläufige, viel praktizierte und traditionelle Kulturtechnik uf dia se scho stolz si dürfen.

Bild 5: "IGWE!!!!" rüaft ma, wenn ma da König vom Dorf siat. Dia spezielle Mütza zoagt, dass er a ganz a hohes Tier im Dorf si muss. Mit würdevoller Gelassenheit und Distanz wohnt er deam ganza Spektakel bei.

Bild 6: Tjo, dia neu igekleidata Iwohner vom Dorft. Da Tone, Bürgermeister von Mitterkirchen und zwoa vo sina Freund. Rechts im Bild da Christian in priesterlichem Weiß.

Woche 8: Bsuach i nam Flussdorf

"A große Feier i Christian sinam Heimatsdorf"

Bild 1: Drei Stund durch Savannalandschafta und Sand hond üs wit westlich vo Enugu zu nam Dorf a nam größara Fluss gführt. A ganzes Stuck vor da geplanta Ankunft sind mir still und leise im Dorf ako. Doch dia Neuigkeit spricht se schneall umma. A paar Kind sind mit da Fahrrädle rundum gfahra und hond Bescheid gia: "D Onye Öchas sind do und d Lüt us Mitterkirchen, dia s "Dorfzentrumsgebäude" (Bild 2 im Hintergrund) mitfinanziert hond!!"

Bild 2: Es isch ned lang ganga und a Trummlgruppa hot üs abkolt und a Stuck durchs Dorf gführt. Inara Art Prozession hot ma so denn s ganze Dorf zemmagsammelt.

Bild 3: Zruck im großa Dorfgebäude hots an riesen Empfang gia. Dia ältara Herra hond denn i eana sinam Fäschttagsgwand o no a Ständle gschpilt. An junga Bua hot dazua tanzt as wia wild und hot so a klä Geald fürd Gruppa gsammelt.

Bild 4: Jeda isch im beschta Gwand do gsi und hot zoagt was er hot, o wenns a Schirmkapa und a Sunnabrilla isch. Würdenträger us da Stadt hond Ansprachen ghalta in Igbo und jeda mindeschtens a viertel Stund i nam Raum wo a da 40°C Grenze kratzt hot.

Bild 5: Super gfalla hot mir, dass d Kind o eana sin Auftritt krigt hond. Mehrere Tänz und Liadr sind so ufgführt wora bevor s zum Höhepunkt ko isch: Da Verleihung vo nara Ehrenbürgerschaft an dia wißa Lüt. Jeda hot Geschenke krigt, für mi hots an Huat, an Korb und a Kokosnuss gia. D Lüt us Mitterkirchen sond sogär ikleidet wora, als besondere Ehre.


Bild 6: A so a Verleihung kört natürli körig gfeiert und so hot se s ganze Dorf im Innahof vo Christian sinam Eltarahus igfunda. Trummla, Tänz, Liadr und no me Anstprachen hots gia. Übers lange Warte isch ma mit Hüfawis Eassa (Reis mit Gmüas und Hennafüaßle) Bier und Palmwein (traditionelles Festgetränk) hinweggetröstet wora.